Home Uncategorized Arrestohet Dardi, ish – konkurenti i “It’s my love”

Arrestohet Dardi, ish – konkurenti i “It’s my love”





Ai u bë i njohur në emisionin e dashurisë “Its my love”, e më pas fama e tij shpesh herë i nxori edhe probleme.

Derisa vazhdon të jetë një personazh mjaft ‘problematik’ së fundi është arrestuar nga Policia e Kosovës, shkruan “Kosovarja”.

Aryeja e kësaj është sepse sa ishte ‘live’ në rrjetin social “Tik Tok”, Dardi lajmëron policinë dhe i gënjen duke u thënë se i nevojitet ndihmë për shkak se është duke u kërcënuar nga një person tjetër.

Sipas njoftimit të policisë, në konsultim dhe koordinim me prokurorin kompetent, ndaj personit të dyshuar është inicuar rasti lajmërim apo kallëzim i rremë dhe i njëjti është dërguar në qendrën e mbajtjes për 48 orë.





Njoftimi i plotë nga policia:

Policia e Kosovës, si rezultat i angazhimeve dhe hetimeve intensive ka arritur ta identifikojë dhe njëherit ta arrestoi personin e dyshuar (D.M.), i cili ka bërë deklarim të rremë duke kontaktuar Policinë e Kosovës në numër emergjent për kinse nevojë për ndihmë policore dhe pastaj të njëjtat incizime i ka publikuar në Tik Tok, të titulluar (Dardi thirr policin).

Të gjitha hetimet dhe veprimet policore janë ndërmarrë në konsultim dhe koordinim me prokurorin kompetent, ku ndaj personit të dyshuar është iniciuar rasti lajmërim apo kallëzim i rremë dhe i njëjti është dërguar në qendrën e mbajtjes për 48 orë.





Duke parë angazhimet dhe nevojën për veprime policore në ofrimin e ndihmës ndaj qytetarëve që kanë nevojë për prezencë policore, rastet e tilla pengojnë punën policore dhe janë të kundërligjshme, andaj Policia e Kosovës do të ndërmerr masa të menjëhershme ndaj të gjithë personave që mund të përfshihen në raste të tilla.

Policia e Kosovës do të vazhdojë të jetë e përkushtuar në kryerjen e detyrave dhe autorizimeve të saj ligjore dhe kushtetuese si dhe ofrimin e ndihmës dhe sigurisë ndaj të gjithë qytetarëve.