Home Uncategorized Kujdestari i 14 vjeçarit që vdiq dje në aksident bën postimin prekës...

Kujdestari i 14 vjeçarit që vdiq dje në aksident bën postimin prekës për të





Një vetaksident në rrugën Sallagrazhdë-Baqevc në Suharekë, i ka marrë jetën një 14-vjeçari, që quhet Leon Kurtishaj. Dy të tjerë kanë mbetur të lënduar nga ky asident.

Ngushëllimet e shumta kanë kapluar rrjetet sociale, mirëpo fjalët që ka shkruar kujdestari i klasës së Leon Kurtishajt kanë qenë mjaft prekëse, raporton Zëri.

Hashim Kukaj, kujdestari i Kurtishajt, ka thënë se ai ka qenë një nxënës model, i urtë, tolerat dhe shembull për mirë.





Postim i plotë:

LEON KURTISHAJ DO TË MBETET GJATË NË KUJTESËN TONË

Me pikëllim të thellë mora lajmin për vdekjen e nxënësit tim – nxënësit të sjellshëm, punëtor e të shkëlyeshëm, Leon (Arben) Kurtishaj.

Vdekja e hershme e Leonit është një humbje për familjen e tij dhe për shkollën tonë. Ishte djalë i mirë, i urtë, tolerant dhe shembull për të mirë.





Sjelljet e tij prej nxënësi shembullor, do ta bëjnë që Leoni të mbetet gjatë në kujtesën e atyre, që patën fatin të jenë bashkë me të. Ka njerëz, siç ishte Leoni, të cilët jetojnë pak, por sjellja dhe edukata e tij lënë gjurmë të përjetshme në memorien shoqërore. Jeta e njeriut është ngushtë e lidhur me qëllimin e ardhjes së tij në këtë botë, pra të tregojë: dashurinë, respektin, tolerancën dhe kujdesin.

Vdekja e hershme e nxënësit tonë na preku thellë zemrat tona. Me këtë rast Ju shpreh ngushëllimet më të sinqerta për Leonin – nxënësin tonë të paharruar. Prandaj, ne do ta kujtojmë, duke i ruajtur gjithmonë kujtimet më të mira për të.

Me këtë rast, në emrin tim personal,

Ju shpreh ngushëllimet më të sinqerta familjes, farefisit e shokëve të Leonit!

TË QOFTË I LEHTË DHEU! U PREHTË NË PAQE SHPIRTI YT ENGJULLOR!