Home Uncategorized Lorik Cana befason me përgjigjen kur pyetet për ftesën në ‘BigBrother VIP’

Lorik Cana befason me përgjigjen kur pyetet për ftesën në ‘BigBrother VIP’





U përfol aq shumë se ish futbollisti i kombëtares shqiptare, Lorik Cana është ftuar nga shtëpia e famshme e Big Brother VIP.

Madje aludohej se ai do të hynte në shtëpi pas 1 janarit.

Por më pas u aludua se ai ka refuzuar ftesën për të hyrë brenda BBV-së.

Lidhur me këtë, futbollisti i njohur foli gjatë një interviste që dha për emisionin “Abc-ja e mëngjesit”.





“Asnjëherë nuk më kanë ftuar për të qenë në Big Brother. Nuk është në profilet e mia dhe nuk do të kisha plan për të qenë pjesë e programit. Kam komunikuar me produksionin për t’u futur brenda kur ishte djali i axhës tim, për t’i bërë një surprizë. Nuk e kam bërë se doja që ai të bëjë rrugëtimin e vet, që të mos thuhej se u fut aty për Lorikun dhe do të vazhdojë prej meje.”, tha ai.

Ish futbollisti i kombëtares u ndal gjithashtu dhe te karriera e tij dhe fakti që është kaq shumë i pëlqyer nga dashamirësit e futbollit.

“Ka disa virtyte dhe vlera që i trashëgon nga paraardhësit, nga familja dhe pastaj fillon dhe formohesh si njeri. Kam ndjekur hapat e babait, por duke u munduar që të kem një shtyllë në jetën time të përditshme. Të jap një shembull më të mirë për kombësinë tonë, si futbollist.





Mundohem të jem një lojtar i mirë por të jem një njeri dhe shqiptar i mirë.Disa virtyte dhe gjëra që unë i ndjej fort nuk i ndryshoj asnjëherë, nuk kam qejf me shkuar ku më çon era, i kam rrënjët e forta si edukatë, prandaj shumica e njerëzve janë identifikuar vetë në mesazhet apo qëndrimet e mia.”, ka shtuar Loriku

Në shtëpinë e Big Brother në fillimet e saj ishte kushëriri i tij Granit Cana.