Home Uncategorized Gazetarja shqiptare dhunohet gjatë orarit të punës

Gazetarja shqiptare dhunohet gjatë orarit të punës





Një gazetare është goditur dhe penguar gjatë ushtrimit të detyrës nga dy qytetarë, ditën e djeshme në Tiranë.

Bëhet me dije nga njoftimi zyrtar i policisë se janë proceduar penalisht dy persona.

Shtetasit e proceduar penalisht janë identifikuar me iniciale T. N., 62 vjeç dhe A. Z., 50 vjeç.

Këta dy shtetas në rrugën “Hoxha Tahsim”, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare.

“Specialistët për Hetimin e Krimeve në Komisariatin e Policisë Nr. 1 proceduan penalisht shtetasit T. N., 62 vjeç dhe A. Z., 50 vjeç, pasi në rrugën “Hoxha Tahsim”, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare, e cila kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër”, thuhet në njoftimin e policisë.